gulabi phulon ki baarish….

gulabi phulon ki baarish

khusbu se mehekta samma

 

labon par muskaan liye  , zindagi shringaar karein……….

==============================================

behta neela jharna

hariyali charon aur

 

jamuni naarangi lalima ,  khushiyon se bhara kshitij………

==============================================

Advertisements

waqt

tere aane ki umeed , aur ye lamhe gujarte nahi

tum ho paas , aur ye lamhe thamte nahi

 

khamosh ho jaye lafz, waqt jab muskurata hai…….

kanchon ka khel

zindagi ke kanchon ka khel

phir uchhle kanche rangin

phir tera nishana pakka

phir meri bazi aadhuri

jeet kar bhi sab kuch dena

teri issi ada par fida hum

har roz dil na jane kyun

intazaar karta hai teri bazi ka……….

 

=============================

bachpan mein khele kanchon ki yaad aa gayi aaj , mitti mein gadda banakar doston sung khelna, rangin kanchon ke liye jhagda karna , sab se bada kancha jeet ne ke liye shart lagana……. aaj tak sambhal rakhe hai un yaadon ke rangin kanche :)………..kuch lamhein bar baar jeene ka moh  mann ko lubhata rehta hai,  iss vyast zindagi mein bhi……..

kashish

ek kashish tujhe jaan lun aye zindagi

tere wajood ka har lamha alag ehsaas karaye

tu khwab si kabhi, tu haqiqat kabhi

dariya_e-waqt _o _safar tu hi samjhaye…….

==================================================

sochu tere saath main hun puri ya adhuri

chand < chakor ya gol << nis mann lubhaye

==================================================

khayal-e-mulaqat -o-safarnama saje khwab

haqiqat mein lautkar anna bada mushkil lagta hai……

==================================================

khushiyan ho har man angan

khushiyan ho har man angan

sneh hum sab ka yuhi bana rahe

kuch lamhon ki fursat zindagi se

sab taraf pyar ka deep jalta rahe….

 

sabhi ko deepavli ki hardik shubkamnaye……..

ek zarra

ek zarra bas hun in behte lamhon ka

behti rehti hun main in lamhon sang

tere palkon ki pankhudiyan khulte hi

kayanaat tham gayi, aabhas hota hai, kyun?

 

neela ambar kshitij par

aur indradhanu se rang bikhare

dhara mein vilin hoti surya lalima

tere aagman ki aas jagaye  ,  kyun?

ye anjana dil…2

 

 

# dil masum sa , naddan sa,
aur nadaan bane hum bhi
uski aur teri mehfil-e-ishq
aur badnam huyi hum bhi….

# iltaja hai tujhse meri
le ja ye dil
jo tere liye dhadakata hai
phir jo fursatien milengi
main apni hi saanson sang
rumani hona chahun….

# kya khata huyi mujhse
jo dil deewana tujhse
teri har ada se rubaru hona
yahi zidd liye sawarta hai….

# kuch aasan sa kahun
bada mushkil hai, kehta hai
tere nasha-e-khayalaton se
usse fursat mile tab na…

ye anjaan dil….

#        kabhi fursat mein humse guftagun kar li hoti

hazaron sawal jo dil ke, shayad jawab mil pate..

=================================================

#        fiza sang behne wala dil , jane kis khayal par  ruka hua

har waqt kehte paya usse, rasmon ke dhage tere sang bandh liye..

==================================================

#        apna hokar paraya hun kehta hai , kuch kahun ansuni karta hai

tere wajood_e-ehsaas ke saaye,  janjiron se jakde hai dil ne..

==================================================

#        tera ek khayal karun tho kamal sa khile,

teri mohabbat ka itra khud par hi chidakta hai dil……..

==================================================

ruki raahein

ruki raahein chal padi

ruksat huye kinare

koi naya imtehan

legi ye zindagi

agle mod par

hausla buland apna

ab koi darr nahi

kshitij par indradhanu

rang bharne hai naye…..

Tum gehre samandar se…

tum gehre samander se
socha rubaru hai
tere har astitva se
jab teri gehrai napni chahi
mehsus hua hame dil se
lehron ka dayara amuman
satah par uchaal
lene tak ka hi hota hai…….

« Older entries