meri pyari, khubsurat si zindagi
shayad aaj waqt tera hai
maana ke mera mann hara hai
phir se tune patjhad ki raah dikhayi
phir se pairon tale tapti dhoop bhikrayi
khwabon ke aashiyaan mein chal rahi thi main
zatke se aakar meri nind udayi
par tumse naraz nahi hun main
shukriya kahun ke tumne haqiqat ki raah dikhlayi
patjhad ke bhi apne khubsurat rang hote hai,
wo bhi hame zindagi ke tajorbe se bhigote hai
phir barsaat hogi ,apne saath sab gum le jayegi
chalti chalungi main, haste huye , kadam badhaye
ek mod par zindagi tere
phir hariyali chayegi…
tu khud mere liye hamnashi
phoolon ki bahare le aayegi………..
टिप्पणी करे